Partneret
e mundshme të koalicionit AAK-ja dhe AKR-ja, kanë filluar ti bëjnë
publike kushtet e tyre për të pranuar bashkëqeverisjen me PDK-në
Koha
e certifikimit të rezultateve të zgjedhjeve të 12 dhjetorit, është
ofruar, ndërsa partitë politike, të përmendura si partneret e mundshme
të koalicionit me Partinë Demokratike të Kosovës, e cila nga këto
zgjedhje ka dalë partia e parë, Aleanca për Ardhmërinë e Kosovës dhe
Koalicioni për Kosovën e Re, kanë filluar t’i bëjnë publike kushtet e
tyre për të pranuar bashkëqeverisjen. Vetëm një ditë pas shpalljes së
rezultateve përfundimtare të zgjedhjeve, partitë kanë filluar të rrisin
“pazarin” dhe të shtyhen se cila do të fitoj më shumë poste për t’iu
bashkuar qeverisë së ardhshme. Derisa, dy partitë tjera parlamentare,
Lidhja Demokratike e Kosovës dhe Lëvizja Vetëvendosje kanë vendosur të
mos hyjnë në asnjë mënyrë në koalicion me PDK-në, duke mbetur vetëm
Aleanca për Ardhmërinë e Kosovës dhe Aleanca Kosova e Re, si partnere të
mundshme të qeverisjes se PDK-së, e bashkë me to edhe partitë e
minoriteteve, andaj, në këtë mënyrë, duke parë nevojën që partia që
rezultatet e KQZ-së e nxorën të parën, ka nevojë për këto parti, ato
edhe po i rrisin kërkesat dhe kushtet e tyre.
AAK-ja, tashmë prej kohesh këmbëngulë se do të qeverise me PDK-në në
rast se kjo parti do t’i jepte mundësinë të qeveriste me vendin,
përkatësisht postin e kryeministrit. Por, nuk është e vetmja partia e
Ramush Haradinajt që ka këtë kusht për PDK-në. Postin e presidentit të
vendit e kërkon edhe AKR-ja e Behgjet Pacollit, përkatësisht kjo parti
kërkon që Pacolli të jetë kreu i shtetit të Kosovës në mandatin e
ardhshëm.
Në këtë mënyrë, duket se PDK-ja ndodhet përballë garës së AAK-së dhe AKR-së për të postin e presidentit.