Reshjet e vazhdueshme të borës, që prej disa ditësh kanë përfshirë Shqipërinë, kanë krijuar vështirësi në qarkullimin normal të mjeteve dhe banorëve në zonat Verilindore dhe Juglindore, si dhe kanë lënë të bllokuara disa fshatra në komunat e thella malore.

Me gjithë vështirësitë e krijuara, strukturat përgjegjëse për normalizimin e situatës, kanë angazhuar të gjitha mjetet e nevojshme për pastrimin e rrugëve nga dëbora dhe ngrica dhe po punojnë për t’i bërë ato të kalueshme në pjesën më të madhe të tyre.

Strukturat përkatëse kanë përsëritur apelin e shërbimeve të Qarkullimit Rrugor për të gjithë drejtuesit e automjeteve që lëvizin në zonat e prekura nga dëbora, që të pajisen domosdoshmërish me zinxhirë, pasi në të kundërt lëvizja pa to e bën të pakalueshëm qarkullimin dhe përbën rrezik për jetën.