Lorik Cana është kërkuar të blihet nga disa skuadra futbolli në të paktën katër oferta zyrtare të bëra ndaj Gallatasaraj, skuadrës turke në të cilën shqiptari luan aktualisht.

Sipas medias turke, skuadra angleze Fulham dhe Aston Villa, kanë ofruar nga 5 milionë stërlina, ndërsa Lazio, ekipi i Serisë A ku Igli Tare është drejtor teknik, ka ofruar 6 milionë euro për shërbimet e Canës.

Mbrojtësi shqiptar është kërkuar edhe nga skuadra tjetër angleze Wolverhampton. Gallatasaraj ka refuzuar ta shesë Lorik Canën ndërsa edhe ky i fundit duket se ndan të njëjtin mendim për trë qëndruar në Turqi edhe për disa kohë.