Komisioni i disiplinës ka gjobitur 300 000 mijë lekë Shkumbinin për hedhje të sendeve të forta në fushë

Komisionit të disiplinës i ka mjaftuar relacioni i gjyqtarit (dhe i vëzhguesit) për të marrë vendimin ekstrem për Armando Sadikun e Elbasanit, i cili është dënuar 2 vjet nga të gjitha aktivitetet si dhe është gjobitur me 500 000 mijë lekë. Arsyeja?
Goditje dhe pështyrje të gjyqtarit! Mjafton të lexosh rregulloren që të kuptosh se vendimi është i drejtë. Lojtari i Partizanit, Andrelis Pashaj, për dhunë ndaj lojtarit kundërshtar është pezulluar pesë ndeshje. Fjala dhunë duket e rëndë, por përplasje fizike mes futbollistëve ka shpesh në kampionatin shqiptar.
Në moviolat televizive u kritikua fort kryesori Alla për mosndëshkim me të kuqe të partierit shkodran Armir Grima, i cili i futi duart në fyt futbollistit kundërshtar. Përmendet kyr rast për të kujtuar se komisioni i disiplinës guxon të hedhë poshtë relacionin e gjyqtarit (rasti “Bici”) duke u bazuar në pamjet filmike, por në një rast tjetër nuk denjon t’i konsiderojë si provë.
Kjo do të thotë se ky komision vazhdon ta zbatojë rregulloren me dy standarde: të dënojë sipas rregullores vetëm ata që nuk kanë mbështetja apo “miq” pranë këtij komisioni. Sa i përket ndëshkimit me gjobë të Shkumbinit, tifozët duhet ta kuptojnë se çdo veprim i dhunshëm dënon vetëm skuadrën e tyre.
Pamjet televizive treguan qartë ndërhyrjen e shpejtë (duhet përshëndetur) të drejtuesve vendës për të mos lejuar hedhjen e sendeve të forta, por që nuk mundi ta shmangte dënimin. Në këto raste duhet të ndërhyjnë edhe forcat e rendit.