Deputeti i Partisë Socialiste Erion Braçe ka denoncuar sot një kërcënim të ardhur në adresë të tij përmes një CD, për të dhe kreun e PS-së, Rama. Gjatë një konference për mediat, Brace ka deklaruar se CD mban emrin e shtetasit Daut Kadriovski, një njeri i lidhur me krimin.


"Ditën e hënë personeli i ka dhënë këtij institucioni një zarf, brenda tij është një kartolinë dhe brenda saj është një CD, nga ana e pasme e së cilës është materializuar ky tekst "Ke 24 orë kohë ndryshe të gjitha televizionet do ta publikojnë", tha Brace.


Sipas tij, mesazhi vjen pikërisht në kohën që PS-së ka marrë nismën antikorrupsionin dhe kjo bëhet për të penguar nxjerrjen në dritë të fakteve.


"Sali Berisha në cilësinë e kryeministrit është angazhuar personalisht në ndërprerjen e fushatës së transparencës, duke kërcënuar drejdpërdrejt njerezit qe po i tregojnë shqiptarëve vjedhjet e Sali Berishës. Sali Berisha po bashkëpunon me krimin e organizuar", tha ai.