Rajoni i Shkodrës është përfshirë nga moti i keq nga mbrëmja e së hënës, ku nuk kanë munguar dhe reshjet intesive të shiut. Sipas informacioneve nga shtabi i emergjencës, reshjet ndikuan në rritjen e nivelit të ujit në lumin Drin, por pa rrezik për një përmbytje të mundshme. Në fillim të muajit dhjetor rajoni i Shkodrës u përfshi nga përmbytje masive, për shkak të reshjeve të dendura dhe rritjes së nivelit të liqenit të Shkodrës.