Ish-prokurori i Përgjithshëm Theodhori Sollaku deklaroi sot se grupi hetimor i Gjykatës së Hagës i cili bëri kontrolle në Burrel verifikoi me mjete moderne për njolla gjaku në banesën e dyshuar për transplanto organesh.

Sollaku tha në një intervistë për TCH, se hetuesit ndërkombëtarë ishin ndihmuar nga prokuroria shqiptare, ata madje kishin gjetur gjurmë gjaku, por nuk i morën për kampion ato, pasi rezultuan se gjurmë të tilla i përkisnin bagëtive të therura nga banorë të zonës.

Sollaku tregoi se kur ishte këshilltar i Presidentit Meidani, në një takim me Carla del Ponten, ajo e kishte pyetur nëse Shqipëria do ta ndihmonte këtë hetim.

“Pasi u bëra prokuror i përgjithshëm erdhi një kërkesë për ndihmë nga Haga. Janë kryer të gjitha veprimet por nuk është gjetur asnjë provë serioze”, tha Sollaku.