Kryeministri i Qeverisë së Republikës së Kosovës, Hashim Thaçi reagoi të hënën përsëri ndaj akuzave të ngritura kundër tij në raportin e parlamentarit zviceran të Këshillit të Evropës, Dik Marti, duke i quajtur ato të motivuara politikisht. “Qëllimet e këtij raporti janë: dëmtimi i imazhit të shtetit të Kosovës dhe të popullit të Kosovës dhe gjithë shqiptarëve në rajon, ngadalësimi i njohjeve të pavarësisë së Kosovës, bllokimi i fillimit të bisedimeve Kosovë-Serbi si dhe pengimin e ndërtimit të institucioneve të dalura nga zgjedhjet e 12 dhjetorit. Pra është edhe ndërhyrjeve politike”, tha kryeministri Thaçi. Në raportin e Dik Martit, Kryeministri i Kosovës, Hashim Thaçi akuzohet si kreu i një rrjeti të krimit të organizuar që mes të tjerash ka patur gisht në trafikim organesh të të burgosurve serbë.