Në një letër dërguar kryeministrit të Shqipërisë, Sali Berisha, Zëvendës Sekretari i Departamentit Amerikan të Shtetit, Philip H.Gordon shprehet se vendimi i 8 nëntorit, për t'i dhënë liberalizimin e vizave Shqipërisë është njohje e shumë përpjekjeve të bëra nga Qeveria shqiptare dhe pasqyron aspiratat e qytetareve shqiptare, të cilët e kanë dëshiruar për një kohë të gjatë arritjen e këtij moment historik.
Në letrën e tij, Gordon shprehet: "Në emër të Shteteve të Bashkuara të Amerikës, ju përshëndes ju dhe popullin shqiptar për arritjen nga Shqipëria të liberalizimit të vizave me Bashkimin Evropian.
Vendimi i 8 nëntorit, për t'i dhënë liberalizimin e vizave Shqipërisë, është njohje e shumë përpjekjeve të bëra nga Qeveria juaj dhe reflekton ose pasqyron aspiratat e qytetarëve shqiptarë, të cilët e kanë dëshiruar për një kohë të gjatë arritjen e këtij moment historik. Ky hap i rëndësishëm përforcon progresin e Shqipërisë drejt anëtarësimit në Bashkimin Evropian.
Ne mbështesim fuqimisht integrimin e plotë të Shqipërisë në komunitetin euro – atlantik. Ndërveprimi në rritje midis qytetarëve të Shqipërisë dhe shteteve anëtare të BE-së është një pjesë jetike e këtij integrimi. Ne mbetemi të interesuar për vazhdimin e bashkëpunimit tonë të ngushtë në fusha me interes të përbashkët", thuhet në letrën e Philip H.Gordon.