Dinamo bie edhe në Peqin

Albatros · 1 Dinamo bie edhe në Peqin prej 21/12/2010, 00:03

Albatros

♫ Stafi Administrues ♫

Shteti: Francë

Gjinia: Male

Antarësuar Me: 12/09/2007
Numri i postimeve: 18404
Pikët: 36064
Votat: 96
Titull i Preferuar: Nuk eshte e rendesishme te thuash ate qe mendon . Por te mendosh mire ate qe thua.

Ndeshja përmbyllëse e javës së 15-të të superligës, Shkumbini-Dinamo, ka pasur një fitues, skuadrën vendëse të Peqinit, që falë një goli të vetëm, të realizuar nga boshnjaku Ahmet Mujdragic, në minutën e 42-të, ka mundur kampionët e vendit në fuqi. Duke dëshmuar se, pavarësisht largimit të presidentit Ylli Ndroqi, skuadra bardhekaltër di të mbijetojë, madje edhe të fitojë ndaj rivalëve mjaft të fortë. Nga ana tjetër, vjen humbja e radhës për Dinamon, që vijon “rënien e lirë” në kampionat, aq sa kriza në kampin blu tashmë është ulur këmbëkryq dhe posti i trajnerit argjentinas, Luis Blanko, është më i rrezikuar së kurrë. Dinamovitët nuk arritën ta prishnin dot eksperiencën e keqe të tyre në transfertat e Peqinit, ku edhe kampionatin e shkuar, kur dominuan totalisht garën dhe u shpallën kampionë të vendit qysh në fund të fazës së dytë, njihnin vetëm humbje ndaj Shkumbinit, në fushën e këtij të fundit. Edhe kësaj here, Shkumbini ka fituar minimalisht, me rezultatin 1-0, falë golit të realizuar në fundin e pjesës së parë nga Mujdragic. Një sfidë e dominuar në tërësi nga peqinasit, që kanë kërkuar ta thellojnë epërsinë, por nuk ia kanë arritur kësaj, më shumë për mungesë konkludimi të tyre, se sa të një qartësie taktike dhe organizative të bluve. Të cilët, nga ana e vet, e kanë kërkuar barazimin në mënyrë të sforcuar, pa qartësinë e nevojshme, duke mos e vënë shumë në rrezik portierin Kotorri. Ky i fundit, edhe në ato pak raste të krijuara nga miqtë kryeqytetas, ka ditur t’i zgjidhë me profesioinalizëm dhe ta mbrojë portën e Shkumbinit të paprekur. Përfundimisht, Shkumbini fiton një ndeshje delikate dhe të fortë, merr tri pikë të tjera dhe barazohet me Lacin, në kuotën e 20 pikëve, pas javës së 15-të, ndërsa Dinamo mbetet në vend-numëro, në kuotën e 24 pikëve, në vendin e pestë të superligës. Në ndeshjen e radhës me Vllazninë, në kryeqytet, kampionët në fuqi kanë rastin të tregojnë veten dhe t’i japin një shqelm krizës, për ta qetësuar sadopak situatën në kampin blu për festat e fundvitit.

1 Dinamo bie edhe në Peqin prej 21/12/2010, 00:03

Albatros