Bashkimi Evropian (BE)ka reaguar i përmbajtur ndaj kërkesës së opozitës në Kosovë për përsëritjen e zgjedhjeve parlamentare. "Ne presim që të mbyllet procesi zgjedhor", tha sot një zëdhënëse e ministres së Jashtme të BE së, Ketrin Eshton. "Aktualisht procesi zgjedhor është në vijim dhe ne do të presim rezultatin përfundimtar përpara se të themi më shumë. Ka rregulla dhe procedura, që duhen ndjekur", deklaroi zëdhënësja.
Eshton pak pas zgjedhjeve pati deklaruar se shpresonte në krijimin "sa më shpejt" të një kabineti të ri qeveritar në Kosovë. Por kjo nuk do të thotë që BE ka këshilluar ndonjë afat, tha zëdhënësja e znj. Eshton.
LDK-ja, e cila rezultoi e dyta në zgjedhjet parlamentare ka kërkuar përsëritjen e tyre për shkak të "manipulimeve masive" të votave.