Ministria e Brendshme informon qytetarët se nga mesnata e sotme, në ora 00:00 pas datës 14 dhjetor, hyn në fuqi regjimi i liberalizuar i vizave mes BE-së dhe Shqipërisë.Prej mesnatës së sotme, qytetarët shqiptarë që kanë një pasaportë biometrike, mund të udhëtojnë pa viza në vendet e zonës shengen, ku mund të qëndrojnë për një periudhë jo më shumë se 3 muaj ose 90 ditë.Fluksi i lëvizjes së shtetasve shqiptarë drejt vendeve të zonës shengen pritet të jetë i lartë pasi edhe numri i biletave tashmë të prenotuara është i lartë.Një pjesë e mirë e qytetarëve do ta shfrytëzojnë këtë rast për të takuar të afërmit e tyre në emigracion si dhe për festat e fundvitit.Autoritetet bëjnë thirrje për kujdes në zbatimin e rregullave, duke u apeluar qytetarëve të mos aplikojnë për azil apo për punë, pasi liberalizimi i vizave nënkupton vetëm të drejtën e udhëtimit dhe të qëndrimit në zonën shengen, maksimumi për tre muaj dhe jo më shumë.