AAK-ja e sheh Gjakovën si përcaktues të votës së fitores
Gjakovë, 10 dhjetor-Votuesit gjakovarë janë votues potentë të cilët do të përcaktojnë fituesin në shkallë të Kosovës , i cili fitues do të jetë koalicioni AAK, lista “dr.Ibrahim Rugova”, PSHDK dhe BD, ka thënë Blerim Shala, nënkryetar i parë i AAK-së në tubimin përmbyllës të këtij koalicioni i cili është mbajtur të premten në Gjakovë. “Në Prizren e nisim fushatën për ta përmbyllur me fitore në Gjakovë, dhe atë fitore bindëse pasi Gjakova do të jetë kontribuuesi kryesor i kësaj fitoreje”, ka thënë Shala i cili në paraqitjen e tij të paktë ka përfunduar me kërkesën për votë se “jemi shumë të pakënaqur me këtë qeverisje dhe gjendjen e rëndë të familjeve tuaja dhe së bashku do ta ndryshojmë Kosovën për të mirë Kosovën e cila mund të arrihet duke e kthyer prapa në postin e kryeministrit Ramush Haradinaj”. Ukë Rugova, prijësi i listës “dr.Ibrahim Rugova” ka kujtuar fjalën popullore “bashkimi bën fuqinë”, që siç u shpreh ishte edhe filozofia politike e presidentit Ibrahim Rugova dhe se më këtë bashkim në koalicion do të vie deri tek fitorja e koalicionit të AAK-së.