Për herë të parë në shumë vjet, Fatmir Sejdiu është kursyer nga dritat e kamerave dhe blicet e aparateve, kur ka zbritur në Aeroportin “Adem Jashari” në Prishtinë, në kthim nga SHBA. Ish presidenti i Kosovës, pas disa javësh qëndrimi tek të afërmit në Amerikë, është kthyer në Kosovë.Sejdiu është kthyer në vend, në kohë për të marrë pjesë në tubimin përmbyllës elektoral të Lidhjes Demokratike të Kosovës (LDK), që pritet të mbahet sot në orën 13:00 në Sallën “1 tetori” në Prishtinë. Para disa javësh, Sejdiu shkoi në SHBA për vizitë familjare tek të afërmit e shumtë që ka atje.Pikërisht, në New York, Sejdiu mori lajmin që Kushtetuesja e kishte shpallur shkelës të Kushtetutës. Pas humbjes bindëse në Kuvendin Zgjedhor, ish-presidenti është Kryetar Nderi i LDK-së.