Policia e Përmetit ka arrestuar një 33 vjeçar, të akuzuar për vjedhjen e kishës Shënmëria në Përmet dhe për një sërë grabitjesh të tjera.


Sipas policisë, shtetasi Armen Muskonja, lindur dhe banues në qytetin e Beratit ka qenë i dënuar më parë me dy vjet burg për disa vjedhje banesash dhe të kishave në Korçë.


Mëngjesin e sotëm ai kishte hyrë më forcë në kishë Shënmëria që ndodhet në qendër të qytetit Përmet, duke shqyer derën.


Dëshmitaret që e kanë parë kanë njoftuar policinë, e cila është vënë në ndjekje. Ai sapo ka parë forcat e policisë ka dalë nga dritarja e pasme e kishës dhe është larguar me vrap.


"Forcat e Policisë janë vënë në ndjekje të tij dhe ky shtetas për t'i shpëtuar policisë është hedhur në lumin Vjosë për të kaluar në krahun tjetër por s'ka mundur dot të largohet pasi është rrethuar nga policia dhe është arrestuar"- thonë burimet policore.


Nga këqyrja e vendit të ngjarjes rezultoi se ky shtetas kishte shqyer kasafortën e kësaj kishe ku kishte marrë një shumë të konsiderueshme lekësh dhe Euro si dhe një unazë prej floriri të dhuruara prej besimtarëve.