Marashi i jep 3 pikët Lacit
Krahas ndeshjes së Vlorës, në orën 13:00 të së dielës, ka startuar edhe një ndeshje tjetër e superligës. Ajo mes Lacit dhe Teutës, e cila ka përfunduar me fitoren minimale të vendësve. Goli I Marashit, realizuar në minutën e 72-të, ka shtuar edhe 3 pikë të tjera në llogarinë e kurbinasve, ndërkohë që “djemtë e detit”, pavarësisht se janë paraqitur mjaft mirë në Lac, kanë dalë duarbosh nga kjo fushë. Ashtu si një javë më parë, nga Kruja, duke koleksionuar kësisoji humbjen e dytë radhazi. Me këtë fitore, Laci, i drejtuar nga Stavri Nica, ngjitet në kuotën e 17 pikëve, ndërsa Teuta mbetet në kuotën e 15 pikëve.