(21.11.2010)
FLAMURTARI-DINAMO 3-1
Shënues: Bajevski 3’, D.Xhafaj 39’, 71’

Me rezultatin 3-1 mbyllet kjo ndeshje, e cila e ngjit Flamurtarin në vendin e parë, në kuotën e 28 pikëve, i vetëm, duke lënë pas tij Skënderbeun, me 25 pikë, në vendin e dytë, ndërkohë që Dinamo, kampionia në fuqi, pas dy humbjeve të fundit radhazi, detyrohet të pozicionohet e treta, me 23 pikë.
Skuadra vlonjate, që kryeson superligën pas 12 javësh, do të jetë mysafire në kryeqytet, për t’u ndeshur me Tiranën, një tjetër supersfidë e këtij kampionati. Bardheblutë, 24 herë kampionët e vendit në fuqi, do të tentojnë të marrin meritat e duhura, duke frenuar vlonjatët e pandalshëm, por edhe duke përfshirë veten në luftën për titull, ndërkohë që Skënderbeu i vendit të dytë do të luajë në Durrës, ndaj Teutës. Dinamon e prêt një transfertë e vështirë në Kavajë, ndaj Besës. Të tria këto ndeshje, por edhe të tjerat, e bëjnë tepër të mirëpritur javën e 13-të të superligës, ndërkohë që për t’u mbyllur java e 12-të duhet pritur edhe ndeshja e së hënës, Kastrioti-Shkumbini.

SA MIRE JA PASKA BERE VLORA DINAMOS HAHA PERFITON SKUADRA IME NGO KJO HAHAHAH