Flamurtari duket “i bekuar”, teksa e ka gjetur golin shumë shpejt ndaj Dinamos, në supersfidën e javës së 12-të të superligës. Duke u cliruar psikologjikisht dhe shtruar rrugën e një suksesi tjetër me vlera të shumëfishta, sikurse bëri edhe ndaj një rivali tjetër, para dy javësh, po në Vlorë, ndaj Skënderbeut. Vetëm 2 minuta lojë u kanë mjaftuar kuqezinjve të Vlorës për të zhbllokuar rezultatin e ndeshjes me Dinamon, teksa Daniel Xhafa bën lëmsh mbrojtjen blu, për ta dhënë topin tek partneri i sulmit, maqedonasi Bajevski, i cili gjuan fort, afër portës dinamovite. Topi devijohet pak edhe në trupin e Malakarnes dhe përfundon në trekëndëshin e djathtë të portierit Alban Hoxha. Stadiumi “Flamurtari”, i mbushur më shumë se në asnjë ndeshje tjetër me tifozë, shpërthen si një vullkan. Skuadra e tyre e zemrës ka kaluar në avantazh. Minutat e mëpastajme janë shumë taktike për vlonjatët, që aplikojnë topin e gjatë për tek Daniel Xhafa, falë kundërsulmit të shpejtë, por janë dinamovitët, që e kontrollojnë më shumë topin dhe fushën. Sidoqoftë, kampionët e vendit në fuqi nuk kanë qartësinë e duhur, e cila mund t’i nxirrte te goli. Muzaka, në krahun e djathtë të mesfushës, është krejtësisht në hije, cka i detyron blutë ta luajnë topin më shumë nga e majta, aty ku Bakaj tërhiqet për të iniciuar manovrën sulmuese për të tijtë. Mungon njeriu i duhur për të organizuar lojën e bluve në mesfushë, në rolin e fantazistit, ndaj edhe mbërritja në zonën vlonjate është më shumë e rastësishme, se sa e studiuar mirë. Rastet për gol nuk mungojnë për dinamovitët në pjesën e parë, por ato shpërdorohen nga kryeqytetasit. Mundësi të arta për të barazuar rezultatin ka pasur Martinena, i vetëm me portierin vlonjat, Spaho, teksa krosimin e përpiktë të Vilës, nga e djthta, e shpërdoron në mënyrë amatoreske. Edhe Muzaka, pas një gabimi në zotërimin e topit nga portieri i Flamurtarit, nuk është në gjendje të shfrytëzojë okazionin e krijuar, shumë afër portës vendëse, për të barazuar shifrat. Dhe po nuk shënove, do ta pësosh. Ky është ligji i pashkruar, por i stërprovuar në futboll. Duhej të vinte minuta e 40-të e pjesës së parë, që një kundërsulm nga ata të zakonshmit të Flamurtarit, të shkonte në këmbët e Daniel Xhafaj, i cili lëshon një predhë nga rreth 30 metra. Topi i goditur prej tij devijohet paksa nga portieri Alban Hoxha, por jo mjaftueshëm, sa për të mos përfunduar në shtyllën e majtë të