Nuk janë edhe aq të rralla ndeshjet kur fitorja kthehet në humbje. Kjo i ndodhi Arsenalit në derbin e javës së 14-të me Tottenham-in. Dy skuadra të fuqishme angleze treguan lojë të mirë me kthesa në rezultat dhe fitorja i takoi me rezultat 3:2 Tottenham-it.Trajneri i Arsenalit, Wenger, e nisi ndeshjen për mrekulli dhe për 27 minuta edhe udhëhoqi me rezultat 2:0. Qysh në minutën e nëntë shënoi për epërsinë 1:0 falë golit të shënuar nga Nasri. Në vazhdim të lojës pikërisht në minutën e 27-të Arshavin me dinakëri e gjen Chamakh dhe shtoi epërsinë në 2:0.