Cristiano Ronaldo i Real Madridit dhe Lionel Messi i Barcelonës, luftojnë se kush do të jetë i pari si shënues. Ronaldo shënoi tri gola kundër Athleticos, sikurse edhe Messi ndaj Almerisë. Ronaldo me 14 gola i prin renditjes së shënuesve, ndërsa një gol më pak e ka Messi. Ronaldo e Messi përderisa bëjnë luftë të ashpër për pikë me klubet e tyre se kush do të jetë kampion vjeshte, tashmë e sa javë ka nisur lufta se kush do të jetë shënuesi më i mirë. Ronaldo apo Messi në fund do të dalin shënuesit më të mirë dhe kampion vjeshtor me ekipe? Derbi i javës së ardhshme pikërisht me 29 nëntor ka gjasa që të qartëson sadopak se kush mund të jetë kampion i vjeshtës, por jo edhe të shënuesve. Dy sulmues të spikatur, Ronaldo portugez, e Messi argjentinas, krah për krah luftojnë për titull me klube dhe tashmë edhe për epitetin e shënuesit më të mirë. Para derbit të 161 botëror, Real – Barcelona, tash është ndezur luftë e ashpër në të gjitha aspektet, sa për titull, sa për shënues, por në fakt, se cila skuadër do të shkëputet me larg njëra – tjetrës me pikë. A do të mbetet Ronaldo shënuesi numër një dhe lider me Realin në Spanjë edhe pas javës së 13-t? Messi ka gjasa që me Barcelonën të jenë lider i tabelës pas javës së 13-t, kuptohet nëse fitojnë në “Santiago Bernabeu”, por pse jo edhe Messi që të barazohet ose edhe të kaloi me gola Ronaldon!Me 29 nëntor, do të dihet se do të kemi lider të ri apo do të jetë ai i vjetri, apo edhe lider të ri si shënues. Lufta është e hapur mbase deri në fund të kampionatit pikërisht në javën e 38-të qoftë për titull kampionit qoftë për shënues. Sa vijnë e kalojnë javët gjithnjë e më shumë ndezën gjakrat në futbollin spanjoll sigurisht në aspektin sportiv.