Një anije e nisur nga Shqipëria është mbytur në ujërat territoriale greke, konfirmojnë burime zyrtare nga Policia e Shtetit në Athinë.Sipas tyre, anija “Kristin” me flamurin e Togos, u mbyt në zonën e Mirtu, në Kefalonia të Greqisë, disa orë pasi kishte përshkuar itinerarin nga porti i Durrësit në drejtim të Bullgarisë.Në bordin e anijes e cila kishte si destinacion përfundimtar Bullgarinë, gjendeshin gjashtë shtetas nga Ukraina.Ata përfunduan në ujë gjatë momenteve të mbytjes së shpejtë të anijes e cila u përpi nga uji në pak çaste.Gjashtë anëtarët e ekuipazhit kanë notuar për minuta të tëra ndërsa kërkuan ndihmë por ajo nuk erdhi derisa arritën të dilnin në tokë. Autoritetet e njoftuara mbi ngjarjen, thanë se anija është zhytur mbi 15 metra nën ujë.Bashkë me të janë zhytur dhe tre furgonë dhe një sasi e konsiderueshme medikamentesh të transportuara për llogari të një kompanie private.