Kryetarja e Kuvendit të Shqipërisë, Jozefina Topalli u takua sot me deputetin e Bundestagut gjerman Bernhard Schulte, i cili tha se tha se ndihet shumë i gëzuar që vjen në Shqipëri, "ku takimi me realitetin është impresionues dhe krejt i ndryshëm nga perceptimet që krijohen ku ndodhesh jashtë tij".Duke i përcjellë kryeparlamentares përshëndetjet e përzemërta në emër të kryetarit të Parlamentit gjerman, Lammert, Schulte u shpreh se atmosferën evropiane në Shqipëri, e ka prekur çdo moment të vizitës së tij dhe shtoi se, shqiptarët me heqjen e vizave, kanë të gjitha arsyet të ndihen të respektuar dhe shumë pranë Evropës.Ndwrsa kryetarja e Kuvendit tha se Gjermania është një aleat strategjik për Shqipërinë dhe integrimin e saj evropian, si dhe donatori kryesor në Bashkimin Evropian, për reformat ekonomike të Shqipërisë .Sipas saj, kryetarja e Kuvendit tha se Shqipëria, vend anëtar i NATO-s po jeton momente të paharrueshme të vendimit historik të heqjes së vizave.“Shqipëria, - u shpreh ajo, - vendi që ka përjetuar izolimin një shekullor dhe diktaturën më të egër të komunizmit në Evropë, sot ndihet e konsideruar në identitetin e saj evropian pasi rrënjët e saj të lashta historike dhe kulturore i përkasin këtij kontinenti. Duke iu referuar dhe qëndrimeve të liderëve evropiane, kryetarja e Kuvendit ritheksoi se “Evropa nuk mund të jetë e kompletuar pa anëtarësimin e vendeve të Ballkanit Perëndimor në Bashkimin Evropian”, tha ajo. Më tej, biseda mes tyre u përqendrua në programin e bursave për të rinjtë, praktikantë në Bundestagun gjerman, ku deputeti Bernhard Schulte vlerësoi veçanërisht, cilësitë dhe standardet e kulturës së konkurrentëve shqiptarë.