Një ngjarje e pazakontë ka ndodhur në Mitrovicë, një burrë 61 vjeçar ka mbetur i vdekur sot në mesditë pasi është qëlluar 4 herë me thikë nga një 73 vjeçar, njoftoi policia në Mitrovicë, e cila e ka konfirmuar rastin e vdekjes së 61 vjeçarit. Rasti ka ndodhur rreth mesditës në afërsi të "Urës së gjakut", ku, pas një fjalosjeje, viktima është qëlluar 4 herë me thikë dhe si pasojë e plagëve të marra ka vdekur. Policia ka arrestuar të dyshuarin 73 vjeçar, ndërsa viktima është dërguar në Shtëpinë e Shëndetit, ku edhe është konstatuar vdekja e tij, ka thënë zëdhënësi i policisë për rajonin e Mitrovicës, Besim Hoti. Sipas hetimeve të para të policisë, dyshohet se motivi i kësaj vrasjeje ka të bëjë me çështje pronësore, ndërsa dy personat janë në lidhje farefisnore.