Shqiptari Edgar Cani shkëlqeu me lojë në fanellën e skuadrës së Modenës, anëtare e Serie B të Italisë në futboll. Cani shënoi dy gola dhe i solli fitoren me rezultat 2:1 skuadrës së tij ndaj Vicencës. Edgar Cani me dy golat e tij të shënuar në pjesën e dytë e ka përmbysur epërsinë e rivalit. Cani në minutën e 51-të shënoi për rezultatin e barabartë (1:1), ndërsa në minutën e 67-të realizoi edhe golin e fitores së madhe. Modena pas javës së 15-të renditet në vendin e 12-të me 19 pikë të tubuara.