Flamurtari, kampion i fazës së parë

Albatros · 1 Flamurtari, kampion i fazës së parë prej 14/11/2010, 20:43

Albatros

♫ Stafi Administrues ♫

Shteti: Francë

Gjinia: Male

Antarësuar Me: 12/09/2007
Numri i postimeve: 18404
Pikët: 36064
Votat: 96
Titull i Preferuar: Nuk eshte e rendesishme te thuash ate qe mendon . Por te mendosh mire ate qe thua.

E diela ka konsumuar edhe dy ndeshje të tjera të javës së 11-të të superligës, respektivisht në stadiumin “Qemal Stafa“ të kryeqytetit dhe në “Ruzhdi Bizhuta“ të Elbasanit. Ku luanin skuadra me emër dhe traditë të madhe në futbollin tonë, ndër të cilat edhe pretendente serioze për titull. Sic është Flamurtari, i cili i tregoi ambiciet e veta edhe në Elbasan. Ku arriti të fitojë me rezultatin 2-1, duke rikthyer disavantazhin e hershëm, të fiksuar nga verdheblutë vendës, në minutën e 14-të, me anë të E.Dalipit. Vlonjatët, e drejtuar nga Gugash Magani, sapo e kanë parë veten në disavantazh, kanë reaguar fuqishëm dhe me prepotencë, duke e spostuar lojën në prapavijën verdheblu. Mundohen të ngrenë “barrikada” para kuadratit të Llanit lojtarët e Elbasanit, por Daniel Xhafa me shokë duket se janë të kalitur mirë me cfarëdolloj pengese në këtë kampionat. Duhej të vinte minuta e 31-të, që golashënuesi kryesor i kuqezinjve, D.Xhafaj, të barazonte shifrat, duke kurorëzuar kësisoji iniciativën dhe dominimin e lojës nga miqtë, pas golit të vendësve. Nuk do të vononte shumë dhe Elbasanin do ta ndëshkonte një “ish” i tij, pikërisht Julian Ahmataj, që në minutën e 36-të do të realizonte golin e dytë për vlonjatët. Përmbysja ka ardhur në kohë rekord, teksa verdheblutë e shikojnë veten të mundur, edhe pse kishin shënuar të parët. Me rezultatin 2-1 do të mbyllej pjesa e parë, ndërkohë që e dyta është më e kujdesshme për Flamurtarin, që mendon shumë të ruajë epërsinë, ndërsa verdheblutë shfaqen të pafuqishëm dhe të pasaktë për t’i barazuar shifrat. Natyrisht, raste për të dyja skuadrat janë krijuar edhe në fraksionin e dytë, por portat respective nuk janë arritur më. Si ajo e Dushkut të Elbasanit, që ka zëvendësuar Llanin, në pjesën e dytë, ashtu ajo e Spahos së Flamurtarit, që ka ulur në stol prej disa javësh Mockën. Ky 3 pikësh e ka ngjitur skuadrën vlonjate në vendin e parë të klasifikimit, duke parakaluar kështu Dinamon, e cila pasohet më pas nga Skënderbeu. Vlonjatët janë edhe kampionët simbolikë të fazes së pare të kampionatit të 72-të kombëtar të futbollit.
Në “Qemal Stafa” ka fituar 2-0 Vllaznia, e cila i ka kapur “dy herë mat” bardheblutë e Nevil Dedes. Dy gola, realizuar në pjesën e parë, u kanë mjaftuar kuqebluve për t’i dërguar 3 pikët në Shkodër, për ta shokuar Tiranën, me një humbje në shtëpi, cka tregon situatën plot dritë-hije dhe luhatje të 24 herë kampionëve të vendit. Vajushi, në minutën e 18-të, dhe kapiteni Sinani, në minutën e 31-të, kanë vulosur rezultatin 2-1, i cili mbeti i pandryshuar deri në fund të lojës. Mirel Josa duket se ka ndryshuar disa gjëra për mirë te Vllaznia, cka e tregoi edhe fitorja ndaj Tiranës, ku është rritur si futbollist dhe ka trajnuar, ndërsa Nevil Dede ende nuk ka bindur ende me zgjedhjet e tij, pavarësisht se erdhi me shumë bujë në stolin bardheblu, duke zëvendësuar një trajner të sprovuar, si Sulejman Starova.

1 Flamurtari, kampion i fazës së parë prej 14/11/2010, 20:43

Albatros