As Alonso, dhe as Webber. Quhet Sebastian Vettel kampioni i ri i botës në Formula 1. Në finalen e kampionatit të zhvilluar në pistën e Abu Dhabi, piloti gjerman i Red Bull ka fituar garën dhe titullin, me një talent të jashtëzakonshëm por edhe falë gabimeve në strategjinë e Ferrarit.

Duke bërë para kohe pit-stop, Fernando Alonso e gjeti veten pa shpresë dhe në fundin e garës është renditur në vendin e shtatë në garë.Spanjolli në këtë mënyrë, detyrohet të përulet para talentit të Vettel, që fiton titullin për vetëm 4 pikë më shumë në renditje. në podium të dytat dhe të tretat, dy makinat McLaren të Hamilton e Button. I teti Webber.

Sebastian Vettel bëhet kështu kampioni më i ri i botës në historinë e Formula 1. Ai ngjitet në "Olimpin" e makinave në moshën 23 vjeç, 4 muaj e 11 ditë. Renditja finale vë gjermanin të parin. 1. Vettel 256, 2. Alonso 252, 3. Webber 242, 4. Hamilton 240 pikë.