Nënat dhe baballarët që kanë bebe të vogla mezi presin që të mund të flenë natën pa u zgjuar nga britmat e foshnjave të tyre. Një studim i ri tregon se rreth 50% e bebeve do të fillojnë që të flenë tërë natën që në muajin e dytë, apo të tretë të jetës .

"Pesë muaj pas lindjes, e disa raste edhe më herët, prindërit mund të presin me arsye që gjatë natës të flenë pa u zgjuar nga të qarat e bebes së tyre", thotë kërkuesi kryesor shkencor, Dr. Jacqueline Henderson, nga Universiteti ‘Canterbury’ në Zelandë të re. Sido që të jetë, kërkuesit shkencorë thonë se do të ketë edhe asi fatzinjsh, të cilët do të kenë probleme me gjumin e bebeve e, si rrjedhim edhe me gjumin e tyre, derisa bebja të mbushë një vit.

Në mënyrë që të shtojnë njohuritë e kufizuara rreth aftësisë së bebeve që të bëjnë gjumë të pandërprerë, Henderson dhe kolegët e saj kanë analizuar gjumin dhe shprehitë e gjumit te 75 bebe të shëndosha, të lindura me kohë, gjatë tërë vitit të parë të jetës së tyre. Me këtë rast, kërkuesit shkencorë kanë konstatuar se shtimi më i shpejtë i kohës së gjumit të pandërprerë te bebet, paraqitet midis muajit të parë dhe të katërt të jetës. Deri në muajin e pestë të jetës, është parë se 50% të bebeve lejojnë prindërit e tyre që të bëjnë gjumë të rehatshëm gjatë natës. Ikub