Me leximin e raportit të sekretarit të përgjithshëm të OKB-së, Ban Ki-Moon u vlerësua gjendja në Kosovë gjatë tremujorshit të kaluar duke i`a bashkëngjitur edhe punën e misionit EULEX.Sekretari i përgjithshëm Moon përshëndeti fillimin e dialogut të ardhshëm ndërmjet dy vendeve dhe ftoi të gjitha palët që të tregojnë përmbajtje dhe të angazhohen për qasje të matur e konstruktive, në mënyrë që të shmanget përshkallëzimi i situatës në veri të Kosovës. (Bota Sot)Ai theksoi se OKB është e gatshme për të kontribuar në përpjekjet për dialogun midis Prishtinës dhe Beogradit.Zëvendësministrja e jashtme e Kosovës, Vlora Çitaku në fjalimin e saj nënvizoi progresin e shënuar në Kosovë në ndërtimin e institucioneve dhe kushtetutshmërisë së mirëfilltë, duke ndërlidhur edhe zhvillimet e fundit demokratik institucionale.Ajo qartësoi se pavarësia e Kosovës nuk do të jetë kurrë më çështje e diskutimit, dhe se pala kosovare është e gatshme të bisedojë me Serbinë vetëm për çështje praktike, si dy shtete sovrane.Zëvendësministrja në dorëheqje, Vlora Çitaku shtoi se Qeveria e Kosovës përkrah pa rezervë ndërtimin e paqes në Ballkanin perëndimor dhe bashkëpunimin rajonal e më gjerë në këtë pjesë të Evropës, si dhe për përfshirjen e të gjitha pakicave në proceset demokratike dhe të decentralizimit sipas pakos së Ahtisarit.Ajo ftoi Kombet e Bashkuara që të jenë më të angazhuara dhe të ftojnë serbët e Kosovës për të marrë pjesë në zgjedhjet e ardhshme nacionale, por edhe të ftojnë Beogradin që të mos pengojë e minojë pjesëmarrjen e serbëve në këtë zgjedhje.Sipas saj, në tre muajt e fundit në veriun e Kosovës kanë ndodhur pesë sulme të armatosura kundër serbëve lokalë të cilët kanë treguar gatishmëri për pjesëmarrje në jetën politike dhe institucionale në Kosovë.

Gjithmon do jet ne diskutim Pavarsia e kosoves edhe pse ka perqarje ne politike edhe nuk lejon qe te gezohen per kete Pavarsi qe ata kan ..Kam vene re ne forume se shumica nuk duan nje ribashkim me shqiperine ..Edhe kohet e fundit ne shum forume diskutohet kjo gje edhe me vjen shum keq kur degjoj se ka urrejtje mes nesh sepse ne jemi nje komb edhe nuk ndryshon asgje