Partia Socialiste ka hequr dorë nga kërkesa e saj gati 2-vjeçare për hapjen e kutive të fletëve të votimit të zgjedhjeve të 28 qershorit. Në fjalën e mbajtur dje në asamblenë Kombëtare të PS, kryetari i kësaj force politike Edi Rama, është shprehur se “opozitës i mjafton hapja e kutive të materialeve zgjedhore dhe realizimi i transparencës mbi to”. Rama ka nënvizuar se Partia Socialiste nuk do të firmosë ndryshime në Kodin Zgjedhor pa kontrolluar dhe pa bërë transparencën e zgjedhjeve të kaluara. Nuk është e qartë nëse ky pozicionim i ri i PS, do të ndikojë në arritjen e një marrëveshje me maxhorancën, pasi muaj më parë, kryeministri Berisha ishte shprehur dakord për hapjen e materialeve zgjedhore, por së fundi është tërhequr edhe nga kjo ide duke thënë se çdo hetim i zgjedhjeve duhet të bëhet me vendim gjykate.