Tragjedi në qytetin e Durrësit. Katër fëmijë janë gjetur të vdekur në banesën e tyre në fshatin Sukth ne orët e para të mëngjesit të sotëm.
Robert Xheka, 13 vjeç, Vilson Xheka,11 vjeç, Kasandra Xheka 9-vjeçare dhe Nertila Xheka 6 vjeç u gjetën të pajetë nga nëna e tyre.
Fillimisht si shkak i ngjarjes u mendua të ishte shkarkimi i një rrufeje, por më pas grupi hetimor ka hedhur dyshime se shkak për vdekjen e të fëmijëve është bërë asfiksimi nga tymi i një qiriu i lënë ndezur në banesë.
Në memomentin e ngjarjes fëmijët kanë qenë vetëm pasi e ëma, e divorcuar, ka qenë duke punuar në Tiranë si këngëtare.
Kur është kthyer në shtëpi, rreth orës 02.30 minuta të mëngjesit të sotëm, nëna ka parë nga dritarja trupat e pajetë të katër fëmijëve të saj.
Menjëherë pasi është njoftuar policia ka mbërritur në vendngjarje për hetime. Ndërkaq bëhet me dije se në fshatin Sukth kanë mbërritur edhe efektiva të policisë së kryeqytetit.
Tre vjet me parë një ngjarje e së njëjtjës natyrë ka ndodhur në afërsi të Sukthit ku tre pjesëtarë të së njëjtës familje u gjetën të pajetë.