Kryetarja e Kuvendit të Shqipërisë, Jozefina Topalli zgjodhi një mënyrë të veçantë për të uruar të rinjtë e të rejat me rastin e miratimit të vendimit historik të liberalizimit të vizave, duke çelur dyert e Parlamentit për ta. Në një atmosferë të ngrohtë e të përzemërt, në ambientet e sallës së Seancave Plenare, Topalli ndau me nxënës dhe nxënëse të gjimnazeve të ndryshme, këtë moment të madh që po përjeton mbarë kombi shqiptar, për të cilin, pas heqjes së vizave hapet një faqe e re e historisë drejt dimensioneve të reja e pa kufij të lirisë. “Unë dua ta ndaj këtë ditë të veçante me ju, vendimin unanim të heqjes së vizave, ta festojmë së bashku. Ajo që unë e konsideroj të bukur dhe të veçantë është sepse ky vendim u bën ju që të ndiheni më natyral në raport bashkëmoshatarët tuaj kudo në Evropë që ata janë.