Në përfundim të një vizite në landin e Bavarisë, ministri shqiptar i arsimit Myqerem Tafaj u takua të martën në mbrëmje me ministrin bavarez të shkencës Wolfgang Heubisch. Në plan është një marrëveshje bilaterale. Tema e bisedës ndërmjet ministrit shqiptar të arsimit Myqerem Tafaj dhe homologut të tij bavarez, Wolfgang Heubisch, ishte bashkëpunimi në arsimin e lartë dhe shkencë. “Biseduam konkretizimin e marrëveshjes së arsimit të lartë. në mënyrë që të krijohet një bazë për ta intensifikuar bashkëpunimi midis institucioneve shqiptare të arsimit të lartë dhe atyre bavareze”, tha Tafaj për DW.