Në Premier Ligë secili ballafaqim ka rëndësinë e vet, por ajo që është në qendër të vëmendjes padyshim është takimi i rivalëve të qytetit, Manchester City-Mancheste United. Ndeshja kryesore e javës së 12-të dhe që pritet me interesim të madh nga dashamirët lojës më të popullarizuar në botë. Manchester City është kthyer në formë të mirë pas fitores së të dielës në West Bromwich, kurse United kërkon të kthehet me pikë. Dy rivalë që mëtojnë titullin e kampionit dhe që presin të ndëshkojnë njëri – tjetrin nga gabimet eventuale. City pothuajse është kthyer në formë dhe pret ta dëshmoi në derbin e qytetit. Ferguson, menaxher i Manchester United-it, është i vetëdijshëm se sa herë kanë luajtur në stadium të Cityt kanë pasur shumë vështirësi, sepse nuk i shkon edhe aq ndoresh. Skuadra e Cityt që udhëhiqet nga Mancini renditet në vendin e katërt me 20 pikë, kurse Manchester United është në vendin e dytë me 23 pikë të tubuara. Liverpool-i pas fitores së javës së kaluar tash do të jetë mysafirë i skuadrës së Wiganit dhe pret të kthehet me fitore, kurse West Ham i Valon Behramit pret të shënoi fitore në përballje me West Bromwich. Arsenali pas rezultateve jo aq të mira kohët e fundit, udhëton për tri pikë kundër Wolves-it.