Ylli i Chelsea-t Didier Drogba është i sëmurë me malarje. Lajmi është konfirmuar nga vetë klubi londinez. Lojtari i kombëtares së Bregut të Fildishtë po vuante në javët e fundit nga një virus i panjohur, por pasi iu bënë analizat e gjakut, doli se ishte malarje.


Megjithatë, trajneri i Chelsea-t Carlo Anceloti insistoi se Didier Drogba do të jetë i gatshëm që të luajë kundër Fulhamit të mërkurën, pasi ai beson se sulmuesi do të jetë rikuperuar nga virusi i malarjes.


Drogba ka shënuar gjashtë gola në 10 paraqitjet e tij në këtë sezonë të Premier Ligës Angleze.