Zyrtarët e Federatës së Taekwondos së Kosovës njoftojnë se të shtunën, në orën 10.00, në Qendrën e Rinisë dhe të Sportit në Prishtinë, prej orës 10.00, do të tubohet dhe zhvillojë seancën e parë stërvitore përfaqësuesja e Kosovës. Kjo do të përfshijë një numër më të madh garuesish, ndërsa kandidatët më të përgatitur do të seleksionohen për përgatitje të mëtutjeshme dhe do të përfaqësojnë Kosovën në garat ndërkombëtare, të cilat zyrtarisht fillojnë në fund të muajit shkurt, thuhet në komunikatën e kësaj federate.