Javier Zanetti, me qetësi e ka marrë fitoren ndaj rivalit të përjetshëm, Milanit. Ai mendon se duhet të shkelin për tokë sepse ende ka kohë dhe kampionati është i gjatë. Sipas tij, ende nuk ka përfunduar lufta për titull, por konkurrent edhe më tej e kanë Milanin në luftë për ta fituar kampionatin. “Interi dha një sinjal të madh. Megjithatë Kampionati është ende i hapur. Ka edhe shumë ndeshje për t’u zhvilluar dhe mendoj se Milani do të ketë mundësi deri në fund, sikurse ne. Ishte një fitore e këndshme, një fitore e rëndësishme, sepse treguam karakter të lartë dhe personalitet. Merituam të fitonim. Ne treguam vullnet për të fituar që nga fillimi deri në fund’, tha Zanneti.