Leonardo, trajner i Milanit, ka thënë hapur se një kohë ishte interesuar Milani ta sjellë në radhët e veta sulmuesin e Barcelonës, Keirrisonin, por këto përpjekje kishin dështuar. “Jam i lumtur që Keirrison ka arritur në Serie A. Jo aq shumë pse ai iu bashkua Fiorentinës dhe ekipi im mund të përballet me të, por sepse jam tepër i bindur nga potenciali i tij. E di se Milani u përpoq të nënshkruajë me të, por nuk kam pendime. Kam një ekip të fuqishëm. Jam kurioz ta shoh Keirrison në Serie A”, tha Leonardo.