Cesare Maldini, ish-shefi i Milanit iu jep vullnet rossonerëve pas humbjes të martën me shifrat 3:2 nga Manchester Unitedi në Milan. Sipas Maldinit, ka edhe 90 minuta lojë dhe asgjë nuk është përfundimtare. Maldini mendon se sikurse ka fituar Manchester në Milan, të njëjtën gjë mund të bëj edhe Milani me 10 mars në Manchester. “Milani luajti shumë mirë në gjysmën e parë dhe Huntelaar pati dy raste për të dyfishuar epërsinë. Nuk mendoj se Manchesteri do të luante ashtu po të ishte në disavantazh prej 2:0. Mirëpo, skuadra angleze luajti më mirë në pjesën e dytë falë disa përmirësimeve taktike. Ferguson e ka bërë shumë mirë punën e tij, por jam i sigurt se po të kishte shënuar Milani golin e dytë do të shihnim një ndeshje krejtësisht ndryshe”, tha Maldini