Bajerni i Mynihut ka fituar 2-1 ndaj Fraiburgut, pavarësisht se ishte në disavantazh deri 15 minuta para fundit. Mesfushori Arjen Roben shënoi dy herë në harkun e shtatë minutave, duke u shndërruar në “hero” për bavarezët e drejtuar nga Luis Van Gal.

Fraiburgu shënoi i pari me anë të Makaidit dhe pikërisht kur ishte afër fitores, u “shtag” nga cilësitë e Robenit. Bajerni, që luajti pa Riberinë dhe Mario Gomezin, ngjitet në krye të Bundesligës me 56 pikë, pas 26 ndeshjesh. Mesjavën e kaluar, Bajerni fitoi të drejtën për të luajtur në çerekfinalet e Ligës së Kampioneve, pasi eliminoi Fiorentinën.

“Ishim të lodhur pas ndeshjes me Fiorentinën, por fakti që fituam në minutat e fundit, tregon karakterin e ekipit tim. Roben ishte në gjendje të bënte diferencën edhe sot, ashtu si në disa javë më parë. Kemi një skuadër me individualitete, por dhe një kolektiv të shkëlqyer që nuk heq dorë nga fitorja,” - tha pas ndeshjes Van Gali.