Prizren, 18 shkurt

Siç ka njoftuar zyra për informim në KK të Prizrenit, z. Adem Salluaka, tanimë është emëruar për postin e sekretarit të përgjithshëm të Universitetit të dytë publik në vend, i cili pritet të startojë së funksionuari qysh në tetorin e këtij viti kalendarik. Vendimin e qeverisë për emërimin e sekretarit të përgjithshëm të këtij subjekti publik të shkollimit superior në Prizren, z. Sallauka ia komunikoi kryetarit të KK-së në Prizren, z. Ramadan Muja, i cili u zotua për një bashkëpunim intensiv, për krijimin e të gjitha kushteve që mësimi universitar të fillojë qysh më 1 tetor. Poashtu do theksuar të dhënën, se për vitin akademik 2010/2011, është planifikuar regjistrimi i 5000 brucoshëve në Universitetin e Prizrenit, të cilët do të studijojnë në lëmi të caktuara. Sidoqoftë, me emërimin e sekretarit të përgjithshëm të këtij subjekti akademik në Prizren, por edhe me përpjekjet e vazhdueshme të institucioneve të vendit në bashkëveprim me ato komunale për identifikimin e kuadrove mësimore, infrastruktura administrative për mbarëvajtjen e Universitetit të Prizrenit, po shënon hapërime graduale, por të sigurta.