Presidenti i Shteteve të Bashkuara Barak Obama do të mbajë sonte një fjalim drejtuar dy dhomave të kongresit me shpresë se për t'i bindur ligjvënësit të pranojnë idetë e tij për reformën në kujdesin shëndetësor.

Detyra me e vështirë e presidentit Obama do të jetë për të bindur skeptikët, përfshi republikanët dhe disa demokratë të moderuar se propozimi i tij për një sigurim shëndetësor të kontrolluar nga qeveria është i mundur.

Presidenti Obama argumenton se programi i tij do nxisë konkurrencën mes kompanive private të sigurimeve, ndërsa disa kritikë thonë se ky plan do t'i vendosë sigurimet shëndetësore nën kontrollin e qeverisë.

Dje një zëdhënës i Shtëpisë së Bardhë tha se presidenti Obama do të përpiqet të sqarojë hollësitë e planit të tij. Ai do të hedhë poshtë zërat mbi të ashtuquajturat "komisionet e vdekjes" që do të vendosnin se kush kualifikohet për kujdes shëndetësor, si dhe frikën se ky program mund të rrisë deficitin e buxhetit federal.

Obama ka deklaruar se ka si objektiv të arrijë diçka këtë vit, për sa i takon reformës në kujdesin shëndetësor.
Në një intervistë për kanalin televiziv amerikan, ABC Neës përpara një fjalimi kyç në Kongres, ai tha se ishte i hapur para ideve të reja dhe nuk do të ishte "i ashpër dhe ideologjik".

Fjalimi sipas tij do të ofrojë "shumë qartësi lidhur me mënyrën më të mirë për të ecur përpara".
Anëtarët e Kongresit janë duke u përgatitur për të luftuar për hollësitë e reformave, teksa kthehen pas pushimit të verës.